لیجنڈ اداکار آرنلڈ شوارزنیگر نے سڑک پر ہونے والا گڑھا بھر دیا

لاس اینجلس ،اپریل۔ہالی ووڈ لیجنڈ اداکار اور امریکی ریاست کیلیفورنیا کے سابق گورنر آرنلڈ شوارزنیگر نے سڑک پر ہونے والا گڑھا خود ہی بھر دیا۔تین ہفتے تک انتظامیہ کا انتظار کرنے کے بعد انہوں نے لاس اینجلس کی ایک سڑک پر ہونے والے گڑھے کو خود ہی بھرنے کا فیصلہ کیا۔گڑھا بھرتے ہوئے انہوں نے ویڈیو بنوائی جو سوشل میڈیا پر شیئر کی۔ان کا کہنا تھا کہ پورا محلہ اس بڑے گڑھے سے پریشان تھا، اس سے گاڑیاں اور سائیکلیں کئی ہفتوں سے متاثر ہو رہی تھیں۔آرنلڈ نے کہا کہ میں نے اپنی ٹیم کے ہمراہ اس کو ٹھیک کر دیا ہے، میں ہمیشہ کہتا ہوں کہ شکایت نہیں کام کریں، دیکھیں میں نے کام کر دیا۔