حتمی منزل ہولی وڈ میں بطور ایکشن ہیرو کام کرنا ہے، ٹائیگر شروف

ممبئی ،اپریل۔ ٹائیگر شروف بولی وڈ کیایک باکمال ایکشن ہیرو ہیں، جو مشکل سے مشکل اسٹینٹ کرنے میں مہارت رکھتے ہیں۔ وہ بولی وڈ کے مشہور اداکار جیکی شروف کے بیٹے ہیں اور بچپن سے مارشل آرٹ کی تربیت حاصل کر رہے ہیں۔ یہی وجہ ابھی تک بھارت میں ان سے اچھا ایکشن ہیرو کوئی نہیں ہے۔حال ہی میں ٹائیگر نے ایک انٹرویو کے دوران اپنی سب سے بڑی خواہش کا اظہار کرتے ہوئے کہا ان کی حتمی منزل ہولی وڈ میں بطور ایکشن ہیرو کام کرنا ہے کیونکہ ہولی وڈ میں نوجوان ایکشن ہیرو کا ایک خلا ہے جسے وہ پر کرنا چاہتے ہیں۔ماضی کے مشہور اداکارٹام کروز یا جیکی چن ایکشن ہیرو ضروررہ چکے ہیں لیکن ان کی عمر کا کوئی بھی ایکشن ہیرو ہولی وڈ میں نہیں ہے جس طرح کے مشکل اسٹینٹ وہ کرتے ہیں مغرب میں اس کا کوئی ہم پلہ نہیں ہے۔ٹائیگر شروف نے اس بات کا بھی انکشاف کیا انہیں اس مقصد کے لئے ایک یا دو بار پیشکش بھی ہوئی اور انہوں نے ہولی وڈ میں آڈیشن بھی دیا کیو نکہ ان کا مقصد مغرب میں ایکشن ہیرو بننا ہے لیکن کامیابی حاصل نہیں ہوئی تاہم وہ پھر کوشش کر رہے ہیں۔واضح رہے کہ بولی وڈ کے کئی اداکار ہولی وڈ میں کام کر رہیں ہیں ان میں علی فضل، پریانکا چوپڑا اورعالیہ بھٹ شامل ہیں۔ جبکہ ٹائیگر شروف اپنی نئی فلم ہیروپنتی 2 میں بطور یکشن ہیروں نظر آئیں گے یہ فلم عید پر ریلیزہوگی۔