تریپورہ میں کووڈ کی پابندیوں میں ایک گھنٹے کی نرمی

اگرتلہ، فروری۔حکومت تریپورہ نے جمعہ سے اگلے 20 فروری تک کورونا نائٹ کرفیو میں ایک گھنٹہ کی نرمی دی ہے اور انتظامیہ کو ہدایت دی ہے کہ وہ تمام علاقوں میں کووڈ مناسب رویہ برقرار رکھے۔ریاستی حکومت نے کورونا وائرس کے متاثرین میں کمی کے بعد گزشتہ ایک ہفتے سے تریپورہ میں رات کے کرفیو میں ایک گھنٹے کی کمی کر دی ہے تاکہ لوگ عوامی مقامات پر آزادانہ طور پر گھوم پھر سکیں اور کام کر سکیں۔ ریاست میں جمعرات کی رات تک کرفیو رات 10 بجے سے صبح 5 بجے تک تھا اور اب جمعہ سے رات 11 بجے سے صبح 5 بجے تک نافذ رہے گا۔اب سیاسی اجتماعات اور سماجی تہواروں سمیت عوامی جلسوں میں شرکت کی چھوٹ دی گئی ہے۔ ریاست میں کورونا کے 24 معاملے سامنے آئے ہیں۔ تریپورہ میں کووڈ کی مثبت شرح 4.25 فیصد اور اموات کی شرح 0.91 فیصد پر آ گئی ہے۔ریاست میں کورونا وائرس کے ابتدائی دنوں سے اب تک 916 کورونا مریضوں کی موت ہوچکی ہے اور کورونا کی دونوں خوراکیں لینے والوں کی تعداد 97 فیصد ہے۔ اب تک، کووڈ-19 کی احتیاطی خوراک لینے والے لوگوں کی تعداد 55000 سے زیادہ ہے۔ چیف سکریٹری کمار آلوک نے ایک حکم میں کہا کہ کورونا انفیکشن کو پھیلنے سے روکنے کے لیے کووڈ کے قوانین پر عمل کیا جانا چاہیے اور صرف 50 فیصد لوگوں کو عوامی مقامات یا تہواروں میں اکٹھا ہونا چاہیے۔ اس کے علاوہ انہوں نے کہا کہ فلم ہال، ملٹی پلیکس، سوئمنگ پول شاپنگ مال سمیت تمام دکانیں اور تجارتی ادارے رات 10 بجے تک کھلے رہیں گے اور یہاں صرف 50 فیصد لوگ ہی جا سکیں گے۔