پرینکا کے بعد تھرور نے بھی پارلیمنٹ ٹی وی کی اینکرنگ چھوڑ دی

نئی دہلی، دسمبر۔کانگریس کے لوک سبھا رکن ششی تھرور نے راجیہ سبھا اراکین پارلیمنٹ کی معطلی کے خلاف احتجاج میں سنسد ٹی وی پر ’ٹو دی پوائنٹ‘ پروگرام کے ’ہوسٹ‘ کے فرائض سے خود کو الگ دیا ۔ انہوں نے پیر کے روزایک بیان دیا کہ وہ معطلی کی مخالفت کررہے اراکین کے ساتھ ہیں اورسنسد ٹی وی پر ’ٹو دی پوائنٹ‘ پروگرام کے ’ہوسٹ‘ کے فرائض سے خود کو الگ کر رہے ہیں ۔ وہ اس پروگرام سے اس وقت تک دور رکھیں گے جب تک 12 اراکین کی معطلی واپس نہیں ہوتی اورایوان اور سنسد ٹی وی کے کام میں ہم آہنگی کی فضا بحال نہیں ہوجاتی ۔ انہوں نے کہا ہے کہ سنسد ٹی وی بھی اس مسئلے کا حصہ بن گیا ہے۔ بہت سے لوگوں نے تبصرہ کیا ہے کہ ایوان میں اس کا سنسد ٹی وی کا کیمرہ حکمران جماعت کی طرف جھکاؤ رکھتا ہے اور اپوزیشن ارکان کو نظر انداز کرتا ہے۔ مسٹر تھرور نے کہا کہ ’ٹو دی پوائنٹ‘ کے ’ہوسٹ ‘کا کردار ان کے لیے فخر کی بات ہے اور انھوں نے اس کردار کو ہندوستان کی پارلیمانی جمہوریت کی بہترین روایات کے مطابق قبول کیا تھا ، جس میں حکمران اور اپوزیشن دوںوں جماعتوں اراکین سیاسی اختلافات کے باوجود پارلیمانی اداروں میں مل کر کام کرتے ہیں ۔ کانگریس رکن پارلیمان نے لکھا ہے کہ راجیہ سبھا کے 12 اراکین کے سیشن کے لئے من مانی طریقے سے معطل کرنا اور معطلی کو جاری رکھنا حکمراں اور اپوزیشن کے ساتھ مل کر کام کرنے کے عقائد کے خلاف ہے ۔ انہوں نے بیان میں کہا کہ وہ معطلی کی مخالفت کرنے کے لئے پارلیمنٹ ہاؤس کے احاطے میں روز جمع ہونے والے اراکین کے درمیان ہر دن جاتے ہیں، اسے میں سنسد ٹی وی کے اس پروگرام کی پیشکش جاری رکھتے ہیں تو سمجھا جائے گا کہ پارلیمانی ادارے غیر جمہوری طریقے سے چلائے کے کام میں بھی شامل ہے۔کانگریس ایم پی نے لکھا ہے کہ پارلیمنٹ کے گزشتہ سیشن میں راجیہ سبھا کی کاروائی کے آخری دن ناشائستہ سلوک کرنے کے الزام میں کانگریس ، شیوسینااور کچھ دیگر اپوزیش کی جماعتوں کے 12 اراکین کوموجودہ سیشن کے باقی مدت کے لئے معطل کیا گیا ہے ۔ ایوان نے یہ کارروائی سرمائی اجلاس کے پہلے دن 29 نومبر کو کی تھی۔ اپوزیشن اس کی مخالفت کر رہی ہے۔