لینگرسے چندماہ قبل ہی کہہ دیا تھا کہ وارنر ’پلیئرآف دی ٹورنامنٹ‘ ہوں گے:فنچ

دبئی ،نومبر۔آسٹریلیا کو پہلی بار ٹی 20 ورلڈ کپ کا خطاب دلانے والے کپتان ایرون فنچ نے کہا ہے کہ انہیں ڈیوڈ وارنر کے فارم پر کبھی شک تھا ہی نہیں ۔ انہوں نے چند ماہ قبل جب وارنر فارم میں نہیں تھے، خاص طورپر آئی پی ایل میں اچھی کارکردگی کا مظاہرہ نہیں کرپارہے تھے تو ٹیم کے ہیڈ کوچ کو فون کیا تھا اور ان سے کہا تھا کہ وارنر کی فکر نہ کریں، وہ ٹی ٹوئنٹی ورلڈ کپ میں پلیئر آف دی ٹورنامنٹ ہوں گے۔ آسٹریلوی کپتان نے میچ کے بعد ڈیوڈ وارنر کے بارے میں پوچھے گئے ایک سوال کے جواب میں کہا کہ انہوں نے ٹیم کے ساتھی اور اوپننگ پارٹنر ڈیوڈ وارنر کو ناقص کارکردگی کے باوجود ٹی ٹوئنٹی عالمی کپ میں پلیئر آف دی ٹورنامنٹ کا ایوارڈ جیتنے کے تعلق سے حمایت کی۔ فنچ نے کہا، میں نے ذاتی طور پر یہ بھی محسوس کیا کہ ایڈم زیمپا کوپلیئرآف دی ٹورنامنٹ ہوناچاہیے تھا، لیکن وارنر ایک عظیم کھلاڑی ہیں۔ وہ اب تک کے عظیم بلے بازوں میں سے ایک ہیں اورایک فائٹرہیں۔ وہ ایسے شخص ہیں، جب تمام چیزیں ان کے خلاف ہوتی ہیں، تب ہی آپ کو ان کی بہترین کارکردگی دیکھنے کو ملتی ہے۔ آخری دو اننگز ان کے لیے ٹورنامنٹ کا یادگار اختتام تھیں۔ قابل ذکر ہے کہ وارنر نے پاکستان کے خلاف سیمی فائنل اور نیوزی لینڈ کے خلاف فائنل میں اہم کردار ادا کیا تھا۔ ٹی-20 میں آسٹریلیا کی پہلی خطابی جیت کے بعد انہوں نے ٹورنامنٹ کے دوسرے سب سے زیادہ رن بنانے کے طورپر ’پلیئرآف دی ٹورنامنٹ‘ حاصل کیا۔

Related Articles